A.F.W.BENTZON

Unu studiosu crosidadosu

Custa terra est " [ ... ] una mina de oru po totus is elementus culturalis chi, gratzias a su fatu ca est un'isula cun pagus portus, si funt allogaus indidus e non funt stetius arremmissius de is atras culturas de su Mediterraneu". Ainci Bentzon, in su 1958, presentàt sa Sardinnia a is studentis de musica de s'Universidadi de Copenaghen. De custa mina arricca e tosconosa a traballai.

De custa mina arricca e tosconosa a traballai, issu nd'iat annodtzau donnia vena: cumentzendu de is aspettus sociologicus tra religioni e paganesimu po passai a cussus socioantropologicus gratzias a s'amighentzia chi iat fatu cun sa genti de is biddas e in sa circa e s'arregorta de contus de su connottu; de sa poesia sarda a sa musica.

De totus is studiosus chi si funt accostaus a s'Isula me in is urtimus duus seculus, Andria Fridolin Weis Bentzon - chi po malasorti si nd'est andau ancora giovoneddu - est fortzis su prus crosidadosu, cussu chi, traballendu in esu de sa genti, nd'at torrau a pillu medas de is aspettus nobilis de sa cultura sarda.

Candu nd'est lompiu me in annus cinquanta de su noixentus, sa cultura sarda fut ancora sunfrendu po sa crisi fut boccendidda giai de is annus Binti candu iant pribiu sa musica sarda is ballus e sa poesia e fut sighia, apuscindis de sa segundu Gherra, cun s'arribu de is mezzus nous de comunicatzioni de massa.

Po cantu riguardat su mundu de is launeddas toccat fintzas e a s'arregodai ca in cussus annus funt arribaus puru is ainas meccanicas chi fiant intendi sa musica arremissendu is sonadoris. A custu s'est acciunta pru sa scronnaria de is impostas chi sa SIAE ndi furàt a is obrerias chi organizzànt e ancora organizzant is festas e is ballus me in biddas chi furiant sa basi economica po is tzaracchias de is sonadoris.

S'arribu de Bentzon in cussus annus at agiudau meda sa situazioni. Mancai in pirintzipius sa genti fessit dudosa de custu strangiu, gratzias a s'intelligentzia, a su grabu e su su rispettu chi teniat po donnia informadori e po s'arti insoru, est arrennesciu a si fai beni boffiu de totus e a spricullai is informadoris arregistrendu donnia piticu aspettu de sa connoscentzia insoru e alloghendiddu in appuntus scrittus, trascritzionis, arregistratzionis fotografias e pelliculas.

Danti Olianas - De sa prefatzioni a 'editzioni italiana de "Launeddas - A. F. W. Bentzon"

Articulu de Johannes Nicolaisen, Prefessori de antropologia, asuba de su scienti cosa sua A. F. W. Bentzon chi si nd'est andau tropu a coitu.

FOLK DANSK ETNOGRAFISK TIDSSKRIFT Johannes Nicolaisen [ ... ] Personally and scientifically Fridolin was an individualist possessing unusual qualifications. His anthroporogical interest was deep and genuine, and also extensive and without any prejudice concerning methods or schools, the relative importance of which he always tried to view in an objective way. His interests also surpassed the proper anthropological scope and included types of philosophy as well as general theory of science. Sighi a liggi (PDF) >